Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

АПОСТОЛТНЭНЬ ТЕВЕСТ

Глава 6

Сисем лездыцятнень кочкамо

1Неть читнестэ, зярдо тонавтницятнень цётост яла ламолгадсь, грекень кельсэ кортыця еврейтне кармасть пеняцямо эсь тиринь кельсэ кортыця еврейтненень лангс, мекс тонат вакска ютнесызь сынст доваст эрьва чинь ярсамопеленть явшемстэ.2Сестэ кемгавтово апостолтнэ пурнызь лия кемицятнень вейс ды мерсть: «Те апаро, бути минь кадсынек Пазонь валонтень важодеманок ярсамопелень явшеманть кувалма.3Секс, кемиця ялгат, кочкадо эсенк ютксто сисем ломанть, конатнень весе содасызь кода Иневанькс Оймеялтсо ды превейчисэ пештязтнень, ды минь макссынек те тевенть сыненст.4Сестэ минсь седе ламо шка карматано явомо озномантень ды Пазонь валс тонавтомантень».

5Те мелесь весеменень вечкевсь, ды кочкизь Стефанонь, кона пештязель кемемасо ды Иневанькс Оймеялтсо, Филипень, Прокоронь, Никаноронь, Тимононь, Парменэнь ды Антиокиясто лия раськень Николаень, кона совась евреень кемемас.6Сынст аравтызь апостолтнэнь икелев. Апостолтнэ озность ды путызь лангозост эсь кедест.

7Пазонь валось яла срадсь, тонавтницятнень ламочист Ерусалимсэ куроксто кассь, поптнэстэяк ламот совасть те кемемантень.

Стефанонь кундамось

8Стефан ульнесь пештязь кемемадо ды вийде, тейнесь ломантнень ютксо ине тамашат ды дивань тевть.9Се шкане муевсть ломанть Олячис нолдазтнень синагогастонть, кода тензэ мерильть. Сынь ульнесть еврейть Киринеясто ды Александриясто ды кармасть пелькстамо Стефанонь марто. Стефанонь каршо сыргасть истя жо лия еврейть Киликиясто ды Асиясто.10Ансяк сынь эзть цидярдо се превейчинть ды Оймеялтонь виенть каршо, конат мольсть Стефанонь валтнэстэ.

11Сестэ сынь салава кармавтызь зярыя ломантнень истямо валонь ёвтамо: «Минь маринек, кода Стефан сялдома-покордамо валсо кортась Моисейде ды мик Пазонть эйстэяк».12Теньсэ сынь бузмолгавтызь весе раськенть, покштнэнь ды Койс тонавтыцятнень. Сынь автордызь Стефанонь ды ветизь Инепромксос.13Тердизь кенгели яволявтыцятнень, конат ёвтнесть: «Сон свал корты сялдома-покордамо валт Пазонь кудонть ды Коенть кувалт.14Минь марсинек, кода сон кортась: Назаретстэ те Иисусось натой калавтсы Пазонь кудонтькак ды полавтсынзе илатнень-кирдатнень, конатнень миненек кадынзе Моисей».15Инепромкссонть весе ломантне, мелень явозь, вансть Стефанонь лангс ды несть: сонзэ чамазо вандолды прок ангелэнь.


предыдущая глава Глава 6 следующая глава