Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТВЕЕНЬ КОРЯС ЕВАНГЕЛИЯ

Глава 22

Урьвакстомань каванямодо валвелявкс

1Иисус таго кортась попонь покштнэнень ды фарисейтненень валвелявкссо:2«Менельсэнть Инязорксчизэ моли вана кодамо тев ёнов: вейке инязор тейсь цёранзо туртов урьвакстомань каванямот.3Сон кучинзе важонзо пурнамс каванямос сетнень, конатнень тердинзе, ансяк сынст арасель мелест самс.4Сон таго кучсь лия важот ды мерсь ёвтамс тердезтненень: “Вана монь каванямом уш анок. Букан ды андонь вазон печкезь, весе лияськак анок. Садо урьвакстомань каванямос!”5Тердезтне сонзэ тердеманзо лангс ялатеке эзть вано, ды эрьвась тейсь эсь тевензэ: вейкесь тусь эсь паксязонзо, омбоцесь микшнема кудозонзо.6А вана лиятне кундызь сонзэ важотнень, нарьгизь сынст ды маштызь.7Тень марязь, инязорось пек кежиявтсь. Сон кучинзе эсь ушманонзо, конат маштнизь чавицятнень ды пултызь ошост.8Сестэ сон мерсь эсь важонстэнь: “Урьвакстомань каванямось анок, ансяк тердезтне тезэнь эзть ладя.9Секскак, азёдо покш ки лангс ды весень, кинь васттадо, тердинк каванямос”.10Важотне лиссть ки лангс ды пурнызь весень, кинь вастсть: партнэньгак, берянтненьгак. Весе каванямо кудось пештявсь инжеде.

11Зярдо инязорось совась инжетнень варштамо, несь юткстост аволь покшчинь оршамопельсэ ломань.12Сон кевкстизе сонзэ: “Ялгай, кода истя тон сыть тей аволь покшчинь оршамопельсэ?” Се чатьмонсь.13Сестэ инязорось мерсь важотненень: “Кедензэ-пильгензэ сюлмсинк, ёртынк тестэ ушов, чопода таркас, косо ломантне кармить авардеме ды пейсэст чикордомо”».14Иисус прядызе ёвтнеманзо истямо валсо: «Тердезтнеде ламо, ансяк аламо кочказтнеде».

Кесарнень каявкс

15Сестэ фарисейтне тусть ды вейсэ арсесть, кода Иисусонь кундамс вал лангсо.16Сынь кучизь зярыя тонавтницяст Иродонь ломантнень марто Иисусонь кевкстеме: «Тонавтыця, минь содатано, Тон кортат ды теят видестэ ды видестэ тонавтат Пазонь кинтень, киненьгак савтомадо а арсят ды кодамояк ломань а яват.17šвтака тенек сестэ, кода арсят: эряви-арась Римень кесарнень каявкс пандомс?»18Иисус, нама, чарькодизе сынст ёжовчист ды мерсь тенст: «Чачонь полавтницят! Мекс снартнетядо-варчавтнетядо Эйсэнь?19Невтинк ярмаконть, конасо тынь каявкс пандтадо!» Сынь кандсть Тензэ динар ярмак,20ды Сон кевкстинзе сынст: «Кинь чамась ды лемесь сонзэ лангсо?»21Сынь мерсть каршонзо: «Кесарень». Сестэ Иисус мерсь тенст: «Лисни: максодо кесарнень кесаренсенть, а вана Пазонтень — Пазонсенть».22Зярдо маризь неть валтнэнь, сынь пек дивазевсть, кадызь Иисусонь ды тусть.

Кулозьстэ вельмемадо

23Секе чистэнть Иисуснэнь састь саддукейть, конат кулозьстэ вельмемантень а кемильть, ды кевкстизь Сонзэ:24«Тонавтыця! Моисеень Койсэнть ёвтазь: “Бути цёрась, конань арасть эйкакшонзо, кулы, сестэ сонзэ ялаксозо урьвакстозо нинзэ лангс ды сынь чачтост эйкакш. Истя те эйкакшось ули ловозь кулозь лелянть эйкакшокс”.25Вана истямо тев: эрясть минек ютксо сисем лелят-ялакст. Васенцесь урьвакстозель. Сон кулось эйкакштомо. Ялаксозо урьвакстсь нинзэ лангс.26Истя теевсь омбоценть мартояк, колмоцентькак ды весе сисемтнень марто.27Весемеде мейле кулось ниськак.28Сестэ, зярдо сынь кулозьстэ вельмить, конанень неть сисемтнень эйстэ ули сон никс? Эдь сон эрьвантень ульнесь никс».29Иисус каршост мерсь: «Нама, тынк тапи-човори Сёрмадовкстнэнь ды Пазонь виенть а содамось!30Зярдо кулозтне вельмить, сестэ а урьвакстнить, мирдененьгак а лиснить. Сынь кармить эрямо кода менельсэ Пазонь ангелтнэ.31А вана кулозьстэ вельмеманть кувалма арази эзиде ловно, мезе тенк мерсь Пазось? Сон мерсь:32“Мон Авраамонь Пазан, Исаконь Пазан ды Яковонь Пазан”. Лисни, Пазось эрицятнень Паз, аволь кулозтнень».33Тень марязь ломантне дивсесть Иисусонь тонавтомантень.

Сехте ине кармавтовксось

34Зярдо фарисейтне марясть, кода Иисус саддукейтнень кургост потомдынзе, сынь вейсэ мольсть Иисуснэнь.35Сестэ юткстост вейкесь, Койс тонавтыця, арсесь кундамс Иисусонь вал лангсо ды кевкстизе:36«Тонавтыця! Койсэнть кона кармавтовксось весемеде покш?»37Иисус мерсь тензэ: «“Вечкть Азоронть, эсь Пазот, весе седейсэть, весе оймесэть, весе превсэть-содавкссот”.38Те васенце ды весемеде покш кармавтовксось.39Омбоцеськак тень кондямо покш: “Вечкть малавиксэть кода эсь прят”.40Неть кавто кармавтовкстнэнь лангс нежедить весе Коесь ды пазмарицятнень тонавтомаськак».

Давидэнь цёразо ды Давидэнь Азорозо

41Зярдо фарисейтне ульнесть яла Иисус вакссо, Сон кевкстинзе сынст:42«Мезе тынь арсетядо Пазонь кучовт Идицядонть? Кинь цёракс Сон ули?» Сынь мерсть каршонзо: «Давидэнь цёракс».43Иисус кевкстинзе: «Мекс эно Давид инязорось, Пазонь Оймеялтонть ветямонзо коряс, мери Тензэ — Азоро? Эдь Давид кортась:44
“Азорось мерсь монь Азоронтень:
Озак Монь вить кедь ёнов,
зярс Мон а тейсынь Тонь душманот
пильгеть путома таркакс”.
45Истя эно, бути Давид мери Идицянтень Азоро, кода сестэ Сон ули тензэ цёракс?»46Иисусонь каршо киненьгак вал эзь ёвтаво. Те чиденть мейле киньгак эзь сатно смелчизэ макснемс Иисуснэнь кодаткак кевкстемат.


предыдущая глава Глава 22 следующая глава