Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТВЕЕНЬ КОРЯС ЕВАНГЕЛИЯ

Глава 16

Тамашань тешксэнь вешема

1Иисуснэнь састь фарисейть ды саддукейть. Сынь, Сонзэ снартнемань-варчавтнемань кисэ, вешсть невтемс тенст менельстэ тамашань тешкс.2Сон ёвтась каршост: «Чокшне тынь кортатадо: “Менелесь якстере — ванды ули маней”.3Валскеяк кортатадо: “Менелесь чопода-якстере ды пелев — течи ули пиземе”. Чачонь полавтницят! Менелень чаманть явомо машттадо, а вана кодат шкань тешкстнэ, — те а явови тенк!4Кодат берянть ды Пазонть икеле авидеть неень пингень ломантне! Тынь вештядо тешкс, ансяк Иона пазмарицянть тешкстэнть башка кодамояк лия тешкс тыненк максозь а ули». Тень ёвтамодо мейле Сон кадынзе сынст ды тусь тосто.

Саддукеень ды фарисеень чапавтомась

5Зярдо печтясть эрькенть омбоце пелев, сестэ тонавтницянзо неизь: стувтсть мартост саемс кши.6Иисус мерсь тенст: «Ванодо! Ванстодо прянк фарисеень ды саддукеень чапавтомадонть».7А вана тонавтницятне эсь ютковаст кармасть кортнеме: «Сон истя корты миненек секс, мекс мартонок эзинек сае кши».8Иисус теде содазь, мерсь тенст: «Вай, кодамо аламо тынк кемеманк! Мекс эсь юткованк кортнетядо кшинь аразденть?9Арази тынь нейгак яла а чарькодтядо? Арази мельсэнккак а ашти, кода вете кшисэ вете тёжат пешкедсть? Зяро куйметь сускомотнеде пурныде?10Эли, кода сисем кшисэ ниле тёжат пешкедсть? Зяро кептереть сестэ пурныде?11Кода истя тынь а чарькодтядо, — Мон кортынь тенк аволь кшиде! А вана мезде: ванстодо прянк фарисеень ды саддукеень чапавтомадонть!»12Ансяк сестэ тонавтницянзо чарькодсть: Сон кортась тенст ванстомс пряст фарисеень ды саддукеень тонавтомадонть, аволь кшинь чапавтомадонть.

Петра Иисусонь лови Пазонь кучовт Идицякс

13Зярдо Иисус сась Филипень Кесария ёнксонтень, Сон кевкстинзе тонавтницянзо: «Киекс ломантне ловить Монь, Ломантнень Цёранть?»14Сынь мерсть: «Веенст ловить Нававтыця Иоаннокс, омбонст Илиякс, лият Еремиякс эли кодамояк лия пазмарицякс».15Иисус кевкстинзе сынст: «Вана тынь киекс Монь ловсамизь?»16Симон Петра мерсь каршонзо: «Тон Пазонь кучовт Идицят, эри Пазонть Цёразо!»17Сестэ Иисус мерсь тензэ: «Уцяскават тон, Ионань цёразо Симон! Тонеть тень панжизь аволь ломантне, а вана Монь менелень Тетям.18Секскак теть мерян: Петра, тон кев, ды те кевенть лангс Мон путса Кемицянь куром, ды натой куломань-тоначинь вийтнеяк зярдояк сонзэ а изнясызь.19Мон макссынь тонеть Менельсэнть Инязорксчинзэ панжоматнень. Мезенть сюлмасак масторлангсо, се сюлмазь ули менель лангсояк, мезенть нолдасак масторлангсо, се нолдазь ули менель лангсояк».20Сестэ Иисус кармавтсь тонавтницянстэнь киненьгак а ёвтнемс Сондензэ кода Иисусто, Пазонь кучовт Идицядо.

Иисус икелев ёвты пиштемадонзо ды куломадонзо

21Те шкастонть саезь Иисус кармась апак сёпо ёвтнеме Эсь тонавтницянстэнь, кода Сонензэ эряви молемс Ерусалимев ды тосо сави пек пиштемс прявтнэнь, попонь покштнэнь ды Койс тонавтыцятнень пельде. Сон карми улеме маштозь, ансяк мейле колмоце чистэ Сон кулозьстэ вельми.22Петра тердизе Сонзэ ве ёнов, кармась каршонзо кортамо: «Паз аштезэ кисэть, Азоро! Истя илязо уле мартот!»23Иисус велявтсь Петра ёнов ды мерсь тензэ: «Оргодть Монь вакссто, Сатана! Тон пупордявтнят Эйсэнь: тонь арсемат ломанень пельде, аволь Пазонь пельде».

24Сестэ Иисус мерсь тонавтницянстэнь: «Кинь ули мелезэ молемс Монь мельга, се стувтозо эсь прянзо, саезэ эсь крёстонзо ды молезэ мельган.25Кинь ули мелезэ эсь эрямонзо ванстомс, се ёмавтсы сонзэ. Кие жо ёмавтсы эсь эрямонзо Монь кисэ, се мусы сонзэ.26Кодамо лезэ ули ломанентень, бути сон сайсы эстензэ весе масторлангонть, теке марто вана эрямонзо ёмавтсы? Эли кодамо питне мейле максы ломанесь эсь эрямонзо идемань-рамамонь кисэ?27Зярдо Ломантнень Цёрась сы Тетянзо максовт инексчисэнзэ ды Эсь ангелэнзэ марто, сестэ эрьвантень панды питне тевензэ коряс.28Видестэ кортан тенк: конат-конат тесэ аштицятнень эйстэ куломо а кенерить, кода несызь Ломантнень Цёранть самонзо Эсь инязорксчисэнзэ».


предыдущая глава Глава 16 следующая глава