Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТВЕЕНЬ КОРЯС ЕВАНГЕЛИЯ

Глава 14

Нававтыця-Лемдиця Иоаннонь куломазо

1Се шкане Ирод, Галилеянь тетрархось, марясь Иисусто2ды мерсь эсензэ важодицятненень: «Те Нававтыця Иоанн. Сон кулозьстэ вельмесь, секскак сонзэ ули виезэ тейнемс истят тамашат».

3Зярдо-бути Ирод Иоаннонь кундакшнызе, тертякшнызе кшнинь рисьмесэ ды озавтокшнызе пекстамо кудос. Тень сон теекшнизе Филип лелянзо нинзэ Иродиадань кисэ,4мекс Иоанн мерекшнесь тензэ: «Тонеть а мереви эрямс эсь лелять ни марто!»5Ирод маштыксэлизе Иоаннонь, ансяк пельсь еврейтнеде, конат весе ловсть Иоаннонь пазмарицякс.

6Иродонь чачома чистэнзэ Иродиадань тейтерезэ киштсь инжетнень икеле. Те пек тусь Иродонь мельс,7секс сон божазь-пежетькстазь алтась тензэ максомс весементь, мезе илязо веше.8Тейтересь аванзо кармавтомань коряс вешсь: «Максык монень нейке, ярсамопелень кандтнема лангсо, Нававтыця Иоаннонь прянзо».9Инязорось нусмакадсь, ансяк инжетнень икеле максозь валонть кисэ мерсь максомс тейтерентень прянть.10Ирод кучсь пекстамо кудов важо, кона керизе Иоаннонь прянзо.11Кандызь прянть ярсамопелень кандтнема лангсо ды максызь тейтерентень, тона кандызе аванстэнь.12Иоаннонь тонавтницянзо састь, саизь сонзэ уловонть ды калмизь: мейле мольсть ёвтамо теде Иисуснэнь.

Вете тёжань андома

13Зярдо Иисус марясь Иоаннонь куломадо, Сон тусь тосто венчсэ сэтьме таркав ськамонзо. Ломантне марясть Сонзэ туемадо ды сыргасть оштнэстэ мельганзо ялго.14Зярдо Иисус лиссь венчстэнть ды несь ламо ломанть, марятотсь кисэст седеезэ ды Сон шумбралгавтынзе юткстост весе сэредицятнень.15Сась чокшне, тонавтницянзо мольсть ваксозонзо ды мерсть: «Чизэ допрок чопотетсь, таркась тесэ чаво, — нолдыть ломантнень, кадык молить маласо велетнес ды рамить эстест мезеяк ярсамс».16Иисус сестэ мерсь тенст: «Сыненст а мезть тукшномс. Андынк сынст тынсь!»17Сынь мерсть каршонзо: «Минек марто тесэ мезеяк арась: ансяк вете кшить ды кавто калт».18Сон кармавтсь тенст: «Кандынк сынст монень».19Мейле Иисус мерсь ломантненень ойсемс луганар лангс, а вана Сонсь саинзе вете кшитнень ды кавто калтнэнь, варштась менельс, ёвтась сюкпря Пазонтень. Сон синдинзе кшитнень, максынзе тонавтницятненень, ды тонавтницятне явшизь ломантненень.20Весе ярсасть пешкедемазост. Мейле тонавтницятне пурнасть кадовозь сускомотнеде кемгавтово пешксе куйметь.21Ярсыцятнеде ульнесть, тейтерь аватнеде ды эйкакштнэде башка, вете тёжашка.

Иисус юты ведь ланга

22Теде мейле сеске Иисус кармавтынзе тонавтницянзо озамо венчес, ды мерсь тенст Сондензэ икеле уемс эрькенть тона чирев. Сонсь кадовсь ломантнень нолдамо.23Нолдамодост мейле кузсь пандо лангс ськамонзо озномо. Сон чокшнень чоподаваяк яла кадновсь тоско ськамонзо.24Се шкастонть венчесь эрькенть куншкасоль, каршо пувась виев варма, ды ведьвелявкстнэ чавсть венченть.25Ашолгадома шкасто Иисус сыргась тонавтницятнень ёнов ведь ланга.26Зярдо сынь неизь Сонзэ веденть ланга ютамсто, пелезевсть. «Те чопача!» — мерсть сынь ды кармасть тандадомадонть пижнеме.27Иисус сеске ушодсь мартост кортамо: «Оймадо: те Мон, илядо пеле!»28Петра мерсь каршонзо: «Азоро! Улиндерят алкукс те Тон, мерть монень Тонь ваксс ведь ланга молемадо».29Сон мерсь тензэ: «Сак!» Сестэ Петра лиссь венчстэнть ды тусь ведь ланга Иисус ёнов.30Ды ансяк зярдо сон маризе виев варманть, пек тандадсь ды кармась ваямо. Петра серьгедсь: «Азоро, идемак!»31Иисус сеске венстизе кедензэ, каподизе сонзэ ды мерсь: «Вай, кодамо аламо тонь кемемат! Мекс кармить кавтолдомо?»32Сынь кавонест озасть венчентень, ды вармась сеске лоткась.33Секскак венчсэтне сюконясть Иисуснэнь ды мерсть: «Алкукс, Тон Пазонть Цёразо!»

Иисус шумбралгавты Геннисаретсэ

34Сынь печтясть эрькенть омбоце пелев, састь Геннисаретэнь модас.35Тесэнь эрицятне содызь Иисусонь ды кучсть кулят Сонзэ самодо се ёнксонть келес. Сестэ сынь кандызь Тензэ весе сэредицяст36ды энялдсть Тензэ, меревель токавомс куш Сонзэ оршамопелень цёкос. Ды весе, конат токавильть, пичкильть.


предыдущая глава Глава 14 следующая глава