Слово Твое - светильник ноге моей и свет стезе моей

Библия на финно-угорских языках



Библия

Выбрать язык

Книги Нового Завета

предыдущая главаследующая главас русским текстом

МАТВЕЕНЬ КОРЯС ЕВАНГЕЛИЯ

Глава 3

Нававтыця-Лемдиця Иоанн — Паздо кулянь пачтиця

1Зярыя иень ютазь сась Нававтыця-Лемдиця Иоанн ды Иудеянь чаво модасо кармась ломантненень пачтямо Пазонь пельде кулянть:2«Менельсэнть Инязорксчизэ сась малав! Секскак кадынк пежетенк3Иоанн ульнесь се, конадо кортась Исайя пазмарицясь:
«Чаво модасо маряви сеерицянь вайгель:
“Анокстадо Азоронтень ки!
Виделгавтодо Сонзэ туртов китнень-янтнэнь”».
4Иоанн оршазель верблюдонь понань оршамопельсэ ды карксазель кшнань каркссо. Ярсамопелекс тензэ ульнесть пакся цирькунт ды идем мекшень медь.5Сестэ сакшность тензэ ломанть Ерусалимстэ, весе Иудея ёнксстонть ды Иордан леенть пельга таркатнестэяк.6Сынь видькстасть пежетест коряс, ды Иоанн нававтсь-лемдсь эйсэст Иордан лейсэ.

7Зярдо жо Иоанн неинзе ламо фарисейтнень ды саддукейтнень, конат састь тензэ пряст нававтомо, мерсь тенст: «Пупи гуень левкст! Кие тынк тонавтыдизь нававтоманть-лемдеманть вельде менемс Пазонь кежень малавгадыця пандомадонть?8Эрямосонк невтинк Пазонтень велявтоманк.9Илядо ладсе эсь прянк неть валтнэсэ: “Минь Авраамонь эйкакшт”. Эдь мерян тенк: Пазонть ули виезэ теемс неть кевтнестэяк Авраамнень эйкакшт!10Узересь уш кепедезь чувтнэнь юрост вельксэс: эрьва чувтось, кона а канды паро умарь, ули керязь ды ёртозь толс.11Пазонтень велявтоманк невтемга мон эйсэнк нававтан ведьсэ, а вана мельган сыцясь мондень седе пек виев: мон а маштован мик Сонзэ карсемапелень кандыцякскак. Сон нававттадызь Иневанькс Оймеялтсо ды толсо.12Сонзэ кедьсэ понжавтома койме, конасо Сон ванськавтсы тинге пирензэ. Товзюронть пурнасы Эсензэ утомс, ды сюватнень пултасынзе амадстевикс толсо».

Иисусонь нававтомазо

13Мейле Иисус сась Галилея ёндо Иордан чирес Иоаннонь кедьстэ прянзо нававтомо.14Иоанн васняяк мольсь каршо, истя кортазь: «Тонеть эряви монь нававтомс, а вана Тон монень сыть!»15Иисус каршонзо мерсь: «Кадык ней ули истя. Миненек эряви теньсэ топавтомс педе пес Пазонть видечинь мелензэ». Сестэ Иоанн тейсь Иисусонь вешеманзо коряс.16Сеске нававтомадо мейле Иисус лиссь ведьстэнть, ды апак учо панжовсь Тензэ менелесь, ды Иоанн неизе Пазонь Оймеялтонть, кона валгсь гулька ладсо ды лоткась Сонзэ лангс.17Менельстэнть марявсь вайгель: «Те Монь вечкевикс Цёрам, Сон Монь кенярксом».


*а 3:2 пежеть — грех


предыдущая глава Глава 3 следующая глава