Выбрать язык
Книги Ветхого Завета
Книги Нового Завета
с русским текстом1Иона пек апаркстомсь ды кежейгадсь Пазонть седеензэ чевтемемадонть.2Сон ознось Инешкипазонтень: «Вай, Инешкипаз! Эли аволь теде мон кортынь, зярдо оштё ульнинь эсень масторсо? Секс капшиньгак оргодеме Фарсисэв. Эдь содынь – Тон, Пазось, пештязь парочисэ ды седеймариця, кувать коронь кирдиця ды сюпават кемевикс вечкемасо – седееть чевтеми, ды Тон а кучат кажо.3Секс ней, Инешкипаз, саик оймем эйстэнь – монень седе паро куломс – а эрямс».4Тень каршо Инешкипазось кевкстизе: «Арази тонь алкукс ули тувталот истя апаркстомомс?».
5Теде мейле Иона лиссь ошстонть, лоткась ошонть эйстэ чилисема ёнов. Тосо тарадсто эстензэ тейсь чиденть кекшема латыне, озась алонзо сулеентень ды учось, мезе карми улеме ошонть марто.6Сестэ Азоро Инешкипазось касовтсь Ионань велькссэ рацяня касовкс*а – кадык пря велькссэнзэ сулеесь олякстомтсы ёжонзо апаркстомадонть. Иона вельть кенярдозевсь те касовксонтень.7Ансяк омбоце чистэ, валскень зорява, Пазось кармавтызе суксонть порнемс касовксонть, ды сон коськсь.8Зярдо лиссь чись, Пазось кучсь чилисема ёндо пициця варма, ды чипаесь кармась пидеме Ионань прянзо. Весе теде сонзэ тунь маштсть виензэ, ды сон вешсь эстензэ кулома, истя кортазь: «Седе паро монень куломс – а эрямс».
9Тень каршо Пазось кевкстизе Ионань: «Арази тонь алкукс ули тувталот истя апаркстомомс касовксонть кисэ?». Иона мерсь: «Ули тувталом апаркстомомс, натой куломас!».10Сестэ Инешкипазось мери: «Тон путат седеймарямо касовксонтень, конань велькссэ эзить важоде, конань эзить касто. Сон касськак вейке вень перть ды кулоськак вейке вес.11Арсевтика: Ниневиясо сядо комсь тёжадо ламо эрицят, конат а чарькодить, косо парось, косо берянесь, ды ламодояк ламо ракшат. Кода сестэ монень а путома седеймарямо те ине ошонтень?».
*а 4.6 Те касовксось, нать, ульнесь касторка.
Глава 4