Выбрать язык
Книги Ветхого Завета
Книги Нового Завета
с русским текстом(Тейтересь:)
1– Вай, улевлитькак тон тень ялаксокс,
монь авань потеловсосо андозекс!
Сестэ ушосо вастомстот палсевлитинь, –
ды монь а кортавтовлимизь.
2Мон бу саевлитинь мартон
ды ветявлитинь тиринь авань кудос –
сень, конась тримим, превс путымим.*а
Мон симдевлитинь тантей винадо,
эсень гранатонь ведте.
3Керш кедезэ – прялон,
вить кедьсэнзэ кутмори монь.
4Иерусалимень тейтерть!
Максан тенк кемедеяк кеме кармавтома:
илядо сыргозте вечкеманть,
илядо токше таркастонзо,
зярс сонсь а саи мель сыргоземс-стямс!
(Иерусалимень тейтертне:)
5– Ванодо, кие те од тейтерьавась сы чаво модасто
вечкевиксэнзэ лавтовс нежедезь?
(Тейтересь:)
– Умарьчувто ало сыргозтитинь тонь:
тосо, косо авать пекепотс сюлмавить,
косо тиринь ават чачтынзить.
6Путомак монь седееть лангс кемекстамо тешксэкс,
свал кандтнек кедьсэть кемекстамо тешкс марто сурксокс.
Эдь вечкемась пек виев, кода куломась,
эйсэнзэ пицевемась-паломась кежей, кода тоначись.
Налонзо – кирвитолсо ледницят,
сон теке азаргалиця тол (/м:толкель? Сноска: Те тарканть ули лия чарькодемазояк: Инешкипазонть толкель).
7Вечкемась а мадстеви покш ведтнесэяк,
сонзэ а саласызь-а ваявтсызь лейтнеяк.
Кияк алтавлизеяк весе кудочинзэ-парочинзэ
максомс вечкеманть кисэ пандомакс, –
истямодонть нулгодезь велявтовольть.
(Тейтеренть лелянзо:)
8– Минек ули сазоронок, сон вишкине,
потензэяк оштё эзть касо.
Мезе миненек теема сазоронок марто,
зярдо сыть ладямонзо-чиямонзо?
9Улевельгак сон кевпирявтокс –
ланганзо путневлинек сиясто мазылгавтомат,
улевельгак сон кенкшекс –
чавовлинек ланганзо кедрань лазт.
(Тейтересь:)
10– Мон – алкукс кевпирявтан,
потень – теке пирявтконякст.
Ды вечкевиксэнень неяван-маряван
уцяскань-парочинь кандыцякс.
11Соломононь ульнесь винаумарь пирезэ Ваал-Гамонсо.
Те пиренть сон зярыя шкас максызе сиведезь кастыцятненень.
Кастозенть кисэ эрьванть пельде
пандовтовиль вейке тёжа сиясо.
12Соломон! Тёжась, эно, кадык ули тонеть,
кавто сядотне – пирень эрьва ванстыцянтень!
А вана монь винаумарь пирем эсень кедьсэ.
(Цёрась:)
13– Умарьпиресэ эриця тейтерь!
Весе ялган кунсолыть вайгелеть.
Эно, моненьгак мерть марямс сонзэ!
(Тейтересь:)
14– Монь вечкевиксэм, капшак монень,
чийть пандонь сеякс эли од сёканекс
тантейстэ качадыця пандотнэнь прява!
*а 8.2 Эли: Тон тонавтовлить монь эйсэ.
Глава 8