Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 97
Пазось суди видестэ
Давидэнь псалмась.
1Морадо Азоронтень од моро!
Сон тейсь дивань тевть.
Сонзэ виев кедесь, иневанькс кедьвиесь
пачтизе Сонзэ изнямос.
2Азорось невтизе Эсензэ идемань виензэ,
панжизе раськетненень Эсензэ видечинть.
3Сон ледстизе Эсензэ седеймарямонть [Иаковнень]
ды Эсензэ видечинть – Израилень раськентень.
Модалангонь весе петне неизь минек Пазонть идиця виензэ.
4Кенярдозь серьгедть Азоронтень, весе модалангось!
Кецнеде, эрьгеледе ды морадо шнамоморот!
5Морадо Азоронтень арфа марто,
седядо ды морадо!
6Пувадо торамос ды сюрос,
кенярдозь серьгедеде Азоронтень, минек Инязоронтень!
7Шалност иневедесь ды весе, мезесь пешти сонзэ,
модась-масторось ды весе сонзэ эрийтне!
8Шольнест-кольнест лейтне,
элякалест-киштест мартост пандотне
9Азоронть икеле, эдь Сон сы судямо модалангонть.
Сон карми судямо моданть-масторонть видечинь коряс
ды весе раськетнень – вейкетьстэ-видестэ.
Глава 97
