Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 78
Пазонтень энялдома раськензэ идемадо
Асафонь псалмась.
1Пазом! Лия раськетне састь Тонь моданть лангс,
каргоцтизь-нарьгизь Тонь иневанькс озкудот,
Иерусалименть калавтызь.
2Тонь уретнень уловост максызь сэвемс менелень нармунтненень,
Тонь кемевикс важотнень рунгост – идем ракшатненень.
3Валызь сынст верест ведь ладсо Иерусалимганть,
ды а кинень ульнесь калмамс сынст.
4Минь теевинек раксема таркакс минек шабратненень,
нарьгамокс ды покордамокс – перьканок эрицятнень туртов.
5Зярс, Азоро, кармат апак лотксе кежиявтнеме,
зярс толокс карми паломо Тонь кежесь?
6Валык кежеть лия раськетнень лангс, конатне Тонь а содыть,
ды мастортнэнь лангс, конат Тонь а тердить лездамо.
7Эдь сынь маштызь Иаковонь, Тонь раськенть,
ды сонзэ кудонзо чамдызь.
8Илить лово миненек тетянок-покштянок пежетест,
седе курок панжик тенек Эсеть седеймарямот,
эдь минь ёмавтынек нарденек.
9Лездак миненек, Пазонок, Идицянок,
Тонь леметь инексчинзэ кисэ.
Идемизь минек ды нолдыть пежетенек
Тонь леметь кисэ!
10Мезекс лия раськетненень кортамс: «Косо сынст Пазост?»
Макст миненек неемс,
кода Тон пандат кеж лия раськетненень
Эсеть уретнень валозь верест кисэ.
11Марить пекстамо кудос понгозтнень кувсемаст,
Эсеть ине вийсэть идить куломас максозтнень.
12Сисемень кирда пандык минек шабратненень нарьгамонть,
конасонть сынь нарьгасть Тонь, Пазом.
13Минь жо, Тонь раськеть ды Тонь трянь реветь,
карматано Тонь шнамо пингеде пингес,
карматано Тонь инелгавтомо буестэ буес.
Шнамо
Глава 78
