Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 59
Тюремасо изнязь раськенть ознома
1Моравтомань ветицянтень. Шушан-Эдуф△ седямопель марто. Превспутома. Давидэнь морозо,2зярдо сон тюрсь Месопотамиянь Сириянть ды Цованонь Сириянть каршо, ды зярдо Иоав мекев велявтомсто маштсь Салов лаймесэнть кемгавтово тёжат Едомонь ломанть.
3Пазом! Тон кадымизь минек,
Тон яжимизь-правтымизь минек,
Тон кежиявтыть лангозонок.
Ялатеке велявтт минек ёнов.
4Тон сорновтык весе моданть, тапик сонзэ.
Вейсэндить сонзэ лазновкстнэнь,
эдь сон чаты!
5Тон максыть Эсеть раськентень печтямс казямочить,
симдимизь минек винадо, кона чатавты эйсэнек.
6Казть Тондеть пелицятненень знамя,
конань сынь кепедевлизь видечинть кисэ.
7Истя ванстовольть Тонь вечкевикстнэ.
Идить сынст виев вить кедьсэть ды марямак монь!
8Пазось мерсь иневанькс эрямо таркасонзо:
«Покш кеняркс марто явса Эсень ломантненень Сихементь
ды онкстнеса тенст Сокхоф лайменть.
9Галаадось – Монь, Манассиясь – Монь,
Ефремесь – Монь прясо шлёмом,
Иудась – Монь инязоронь мандом.
10Моавось – Монь шлямо кедьгем,
Едомонть лангс ёртса карсемапелем*а.
Кенярдозь серьгедть Монень, Филистиянь мода!»
11Кие совавтсамам монь кемекстазь ошов?
Кие пачтясамам монь Едомов?
12Арази те аволь Тон, Пазом,
кона кадымизь минек,
ды кона а моли минек ушмотнень марто?
13Лездак тенек, лепштязтненень –
ломанень пельде лезксэсь мезеяк а максы.
14Пазонть марто минь тейтяно ине тевть.
Сон чалгсесынзе минек душмантнэнь.
*а 59:10 Паряк, ульнесь истямо кой: мезе-бути лангс карсемапелень ёртнемасо ломанесь невтсь тень лангс азорксчинзэ.
Глава 59
