Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 51
Зыяновонть чумозо ули пандозь
1Моравтомань ветицянтень. Давидэнь тонавтомазо.2Те псалмась седе, зярдо сась Доиг, Едомонь ломанесь, ды пачтясь Саулнэнь: ”Давид сась Ахимелехень кудос”.*а
3Виев аля! Мекс шнат прят зыянонь теемасо?
Пазонь седеймарямось свал монь марто.
4Маштома-ёмамо арси тонь келеть, салава сускиця,
сон тонь теке бритва, керязь кери!
5Тон пародонть пек вечкат зыян,
видечинь валтнэде седе пек тукшны мелезэть кенгелемась.
6Вечкат тон седейс сялгиця валт, салава сускиця кель.
7Тень кисэ Пазось тонь тапатанзат педе-пес,
кундатанзат ды ёрттанзат [эсеть] эрямо таркасто,
юрнэк-корённэк таргатанзат эрицятнень модасто.
8Видечисэтне несызь ды тандадыть,
мейле пеедькшнить лангсонзо [ды кортыть]:
9”Вана ломанесь, кона эзь лово Пазонть эсензэ кеме таркакс.
Сон кемсь эсензэ покш сюпавчинзэ лангс
ды кемекстась-виензась зыянонь теемасонзо”.
10Мон вана Пазонь кудонь пирявтонть потсо,
кода пижелгалиця ойумарькс *б,
ды нежедян Пазонть седеймарямонзо лангс пингеде пингес.
11Свал карман шнамот сень кисэ, мезе Тон теить.
Карман нежедеме леметь лангс,
эдь Тон паронь кандыця Эсеть кемевикс ломантненень.
*а 51:2 Вант: 1.Иняз.22:9
*б 51:10 ойумарькс – маслина
Глава 51
