Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 47
Пазонь ошонть мазычизэ ды инексчизэ
1Кореень буенть псалмась. Моро.
2Азорось ине!
Улезэ Сон шназь минек Пазонть ошсо,
Эсь иневанькс пандонзо лангсо!
3Сион пандось – те мазыйдеяк мазый сэрей таркась,
весе модалангонь кенярксось.
Сонзэ эйстэ пелеве ёно ашти ине Инязоронть ошозо.
4Те кемекстазь ошонь пирявт потсонть содасызь Пазонть,
кода сонзэ кисэ аштицянть.
5Зярдо инязортнэ пурнавсть
ды ютасть вейсэ ошонть вакска,
6се, мезе сынь несть, правтынзе дивас.
Сынь тандадсть-талакадсть ды капшазь оргодсть.
7Пелема-сорнома саинзе сынст тосо,
кода чачтомсто майсиця аванть.
8Чилисемань вармасо Тон яжить-ваявтыть
Фарсисэнь*а венчтнень-кораблятнень.
9Мезде минь икеле марякшнынек,
сень неинек менелень вийтнень Азоронть ошсо,
минек Пазонть ошсо.
Пазось кемекстасы-ванстасы сонзэ пингеде пингес.
10Тонь озкудосонть, Пазонок,
минь арсинек-ледстнинек Тонь седеймарямодот.
11Кода Тонь лемесь, Пазонок,
истя Тонь шнамоськак гайги масторонть келес!
Тонь вить кедеть пештязь видечисэ.
12Кадык эрьгели Сион пандось,
кадык кеняркшныть Иудань велетне-оштне
Тонь видестэ судямот кисэ, [Азоро].
13Азёдо Сиононть перька ды ютынк сонзэ,
ловнынк сонзэ башнянзо.
14Ванынк сонзэ кемекставксонзо,
ютадо сонзэ кевень покш кудотнева –
ды сыця шкань ломантненень ёвтнеде, кодамо Пазось.
15Эдь те Пазось ули миненек Пазокс пингеде пингес!
Сон куломазонок ули минек ветицякс.
*а 47:8 Фарсис – те Финикиянь колония, кона аштесь неень Испаниянь модалангсо ды конань ульнесть сехте покш венчензэ-кораблянзо.
Глава 47
