Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 148
Шнадо Азоронть менельнек-моданек!
Аллилуя!
1Шнадо Азоронть менельстэ,
шнадо Сонзэ вере менельсэ!
2Шнадо Сонзэ, весе Сонзэ ангелтнэ!
Шнадо Сонзэ, весе Сонзэ менелень ушмотне!
3Шнадо Сонзэ, чипаесь ды ковось!
Шнадо Сонзэ, весе сияждыця тештетне!
4Шнадо Сонзэ, менелень менельтне
ды ведтне, конат сынст велькссэ!*a
5Шнаст сынь Азоронть лемензэ.
Сон [ёвтась, ды сынь кармасть улеме,]
мерсь, ды сынь теевсть.
6Сон путынзе сынст пингеде пингес,
макссь тенст койть, конат зярдояк а калавтовить.
7Шнадо Азоронть, модалангсотне,
иневедень тамашань ракшатне ды весе отьматне!
8Шнадо Азоронть, толось ды цярахманось, ловось ды сувось,
кежей вармась, кона топавты Сонзэ валонзо.
9Шнадо Азоронть, пандотне ды весе губорькстнэ,
умарень максыця чувтотне ды весе кедратне,
10идем ракшатне ды весе кудоракшатне,
ёзмолдыцятне ды сёлмов нармунтне!
11Шнадо Сонзэ, модалангонь инязортнэ ды весе раськетне,
чирязтнэ ды модалангонь весе судиятне,
12од цёратне ды тейтертне,
сыретне ды эйкакштне!
13Шнаст сынь Азоронть лемензэ.
Ансяк Сонзэ лемесь весемеде верев кепедезь.
Сонзэ инексчизэ модалангодо ды менельде келей.
14Сон виевгавтызе Эсензэ раськензэ,
истя Сон шнынзе весе Эсь кемевикс важонзо,
Израилень ломантнень, Сонензэ малавикс раськенть.
Аллилуя!
*а 148:4 Вант: Чачома 1:6-8
Глава 148
