Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 145
Ансяк Пазось кемевикс
Аллилуя! [Аггеень ды Захариянь.]
1Шнык Азоронть, монь оймем!
2Карман шнамо Азоронть семс, зярс эрян,
карман шназь морамо монь Пазонтень весе эрямон перть.
3Илядо нежеде масторлангонь прявттнэнь лангс,
ломань лангс, конань арась виезэ лездамс.
4Сонзэ оймезэ лиси,
ды сон таго тееви модакс.
Се чистэнть ёмить
[весе] сонзэ арсеманзо-бажамонзо.
5Уцяскав се, кинь лездыцязо Иаковонь Пазось,
кинь седейнежедьксэзэ*а Азорось,
Эсензэ Пазось.
6Азорось теизе менеленть ды моданть, иневеденть
ды весементь, мезе сынст лангсо ды потсост.
Сон кемевикс пингеде пингес.
7Сон ашти покордазтнень кисэ
ды максы кши вачотненень.
Азорось олякстомты пекстазтнень.
8Азорось панжи сокортнэнь сельмест,
Азорось стявты пильге лангс пек лепштязтнень,
Азорось вечксынзе видечинь ломантнень.
9Азорось вансты омбо масторонь ломантнень,
максы лезкс урозтнэнень ды доватненень,
а вана зыяновтнень кист Сон тапасынзе.
10Азорось инязор пингеде пингес.
Сон тонь Пазот, Сион, буестэ буес.
Аллилуя!
*а 145:5 седейнежедькс – надежда
Глава 145
