Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 141
Азоро, менстемак пансицядон!
Давидэнь тонавтомазо. Сонзэ озномазо, зярдо сон ульнесь кевпотмарсо.
1Верьга вайгельть тердян Азоронть,
верьга вайгельть ознан-энялдан Азоронтень.
2Валан Сонзэ икеле эсень мелявксон,
панжан Тензэ эсень кажон.
3Кадык маштыть оймевиень,
Тон содасак монь эрямо ким.
Се кинть лангс, кува мон якан,
душмантнэ салава путсть монь кундамс пистень*а.
4Ванан вить ёнов ды неян:
кияк монь кисэ а ашти.
Арась монь кекшема таркам,
кияк монь кисэ а мелявты.
5Мон тердян Тонь, Азоро, ды мерян:
«Тон – монь ванстома таркам,
Тон – монь уцяскам те эрямосонть».
6Марик монь рангоманть – мон пек сизинь!
Менстемак монь пансицян эйстэ –
сынь мондень седе виевть!
7Ливтик оймем пекстамо кудосто,
ды карман шнамо Тонь леметь.
Видечисэтне пурнавить перькан,
зярдо Тон панжат-теят монень парот.
*а 141:3 пистень – силок
Глава 141
