Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 13
Зыяновтнень превтемечист
Моравтомань ветицянтень. Давидэнь псалмась.1Превтемесь мерсь эсь седейсэнзэ: «Паз арась».
Ломантне кармасть улеме визькстэмекс,
тейнить седеень кельмевтиця тевть.
Арась ютксост паронь теиця.
2Азорось варштась менельстэ ломантнень лангс,
бажась неемс: ули-арась вейкешка чарькодиця,
Пазонь вешниця.
3Весе тусть лия ёнов, весе тейнить нулгодькс тевть.
Арась паронь теиця, арась вейкеяк.
4Арази а совить превс весе неть зыянонь кандыцятне,
конат кши ладсо сэвезь сэвить монь раськенть
ды а тердить Азоронть?
5Тосо сайсынзе сынст тандадома,
[косо арась тандадома-пелема],
эдь Пазось видечинь ломантнень марто.
6Тынь пеедькшниде лепштязенть
истят валонзо лангсо:
«Азорось монь нежедьксэм».
7Кадык сы Израилентень идема Сионсто!
Зярдо Азорось велявтсы полонсто Эсь раськензэ,
сестэ карми кеняркшномо Иаков*а,
сестэ карми эрьгелеме Израиль.
Шнамо
*а 13:7 Иаков – тесэ: Израилень раськенть лия лемезэ
Глава 13
