Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»содержаниеКнига РуфьПсалтирьПритчиЕкклесиастПесни ПеснейИона

Книги Нового Завета Выбрать книгупро «Од Вейсэньлув»содержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ПСАЛТИРЬ

ОЗНОМАМОРОТ

Глава 117

Азорось – минек виев лездыцянок!

Аллилуя!

1Шнадо Азоронть!
   Сон паро. Сонзэ седеймарямозо пингеде пингес.
2Мерезэ ней Израилесь:
   «[Сон паро,] Сонзэ седеймарямозо пингеде пингес».
3Мерезэ ней Аарононь буесь:
   «[Сон паро,] Сонзэ седеймарямозо пингеде пингес».
4Мерест ней Азордонть пелицятне:
   «[Сон паро,] Сонзэ седеймарямозо пингеде пингес».

5Стака шкасто мон тердия Азоронть –
   ды Сон маримим ды ливтимим оля таркас.
6Азорось ашти монь кисэ,
   секс а пелян.
   Мезе теи монень ломанесь?
7Азорось монь лездыцям:
   кецязь карман ваномо
   монь душмантнэнь лангс сынст изнямстост.
8Азоронть лангс нежедемась-кемемась
   ломань лангс кемемадонть седе вадря.
9Азоронть лангс нежедемась-кемемась
   чирязтнэнь лангс кемемадонть седе вадря.

10Весе лия раськетне пиримизь монь.
   Азоронть лемсэ мон правтынь сынст.
11Сынь стясть перькан, пиримизь монь.
   Азоронть лемсэ мон правтынь сынст.
12Сынь пиримизь монь, теке нешкевеле,
   ды сеске лепамсть,
   теке тол коське салмуксов куракшонь паломсто.
   Азоронть лемсэ мон правтынь сынст.
13Сынь виевстэ эшкимизь монь,
   арсесть монь правтомс,
   ансяк Азорось лездась тень.
14Азорось – монь вием ды мором.
   Сон теевсь монь идицякс.

15Кенярксонь ды идемань вайгельтне
   гайгить видечисэтнень эрямо таркасост:
   «Азоронть виев вить кедезэ теи ине тевть!».
16Азоронть виев вить кедезэ кепедезь верев,
   Азоронть виев вить кедезэ теи ине тевть!

17А кулан, мекевланг, карман эрямо
   ды ёвтнеме Азоронть тевтнеде.
18Азорось стакасто пандызе монь чумом,
   ялатеке куломас эзимим максо.
19Панжинк монень видечинь ортатнень!
   Сован эзгаст ды ёвтан сюкпря Азоронтень.

20Вана Азоронть ортанзо.
   Видечисэтне совавить эзгаст.
21Ёвтан сюкпря Теть, мекс Тон маримик монь
   ды теевить монень идицякс.
22Кевесь, конань ёртызь кудонь теицятне,
   теевсь ужонь*а кирдиця юр кевекс.
23Тень теизе Азорось,
   ды те неяви миненек дивань тевекс.
24Те чинть теизе Азорось.
   Кенярдтано ды эрьгелетяно те чистэнть.
25Вай, Азоро, идемизь!
   Вай, Азоро, макст тенек паро шкат!
26Улезэ чанстязь-баславазь
   Азоронть лемсэ сыцясь!
   Чанстятано тынк Азоронть кудосто.
27Пазось – Азоро, ды валдосонзо валдомтымизь минек.
   Сюлмсинк покшчинь аноксонть пикссэ
   алтарень сюротненень*б.

28Тон – монь Пазом: ёвтан сюкпря Тонеть.
   Тон – монь Пазом: инелгавтнетян Тонь.
   [Ёвтан сюкпря Тонеть.
   Тон маримик монь ды теевить монень идицякс].
29Шнадо Азоронть!
   Сон паро. Сонзэ седеймарямозо пингеде пингес.

Шнамо

*а 117:22 ужо – угол

*б 117:27 Вишка сюротне аравтозельть алтаренть (аноксонь столенть) ниле ужотнева. Вант: Лисема 27:1-8

 Глава 117