Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Глава 109
Азорось ды Сонзэ кочкавт Инязорось
Давидэнь псалмась.
1Азорось мерсь монь Азоронтень:
”Озак Монь вить кедь ёнов,
зярс а тейсынь Тонь душманот
пильгеть путома таркакс”.
2Тонь виень мандонть Азорось венстясы Сиондо васов.
Ульть азорокс Эсеть душмантнэнь лангсо!
3Тонь виень чистэ Тонь раськеть
ули мартот иневаньксчинь весе мазычисэнть.
Тонь чачомат – теке валскенть элесэ ведьбайгетне.△
4Азорось пежедькстась ды а янксезеви:
”Тон улят озатякс пингеде пингес Мелхиседек*а ладсо”.
5Азорось Тонь вить кедеть ёно.
Сон маштнесынзе инязортнэнь
Эсензэ кежень чистэнть.
6Сон теи суд лия раськетнень лангсо,
вельтясы масторлангонть уловсо,
тапасынзе прятнень△ масторонть келес.
7Киланга Сон карми симеме чудиведте,
ды секс Сон кепеди прянзо.
*а 109:4 Вант: Чачома 14:18-20
Глава 109
