Библия
Выбрать язык
Книги Ветхого Завета
Книги Нового Завета
с русским текстом
ПСАЛТИРЬ
ОЗНОМАМОРОТ
Васенце книгась
(1-40 псалматне)Глава 1
Кавто кить
1Уцяскав ломанесь, кона а эри зыяновтнень
*а превс путомаст коряс,
а аштекшни пежетевтнень
*б кист лангсо,
ды а эрси Пазонь нарьгицятнень промкссо.
2Сон муи кеняркс Азоронь койстэнть,
арси сондензэ читькак, ветькак.
3Сон чудиця ведь вакссо озавтозь чувтонь кондямо,
кона шкастонзо максы эсь умарензэ,
конань лопанзо зярдояк а пракшныть.
Истямо ломаненть, мезе илязо тее,
весе лиси.
4Аволь истят зыяновтне, [аволь истят].
Мекевланг, сынь теке сюва, конань панси вармась [модалангсто].
5Секскак зыяновтне а цидярдсызь ине судонть,
пежетевтне – видечинь ломантнень*в промксонть.△
6Азорось содасы видечинь ломантнень кист,
а вана зыяновтнень кись вети ёмамос.
*а 1:1 зыяновось, зыяновтне – нечестивый, нечестивые
*б 1:1 пежетев – грешник, грешный
*в 1:5 видечинь ломань, видечисэсь, видечисэтне – праведный, праведник, праведники
Глава 1
