Bible Stories
Выбрать язык
Choose Old Testament Story
Choose New Testament Story
СЮ СОЛДАТЭН КИВАЛТӤСЬ КОРНИЛИЙ
Рим кунлэн ожгарчиосыныз кивалтӥсьёс пӧлысь одӥгез, сю солдатэн кивалтӥсь Корнилий, быдэс семьяеныз шонер, Инмарлэсь кышканэн улӥсь мурт вал. Ёрмыса улӥсьёслы трос юрттӥськыса, ялан Инмарлы вӧсяськыса улӥз. Укмысэтӥ час котырын, нуназе, солы Инмар кылчин возьматскиз, со доры пырыса шуиз: «Корнилий!» Нош Корнилий со шоры учкиз но кышкаса шуиз: «Мар, Кузёе?» Кылчин солы ответ сётӥз: «Тынэсьтыд вӧсяськемдэ, ёрмисьёслы юрттӥськемдэ Инмар кабыл басьтӥз; али Иоппияе адямиосты ысты но Петр шуон Симонэз татчы ӧть».
Солдатъёс, Иоппияе вуыса, Петрез шедьтӥзы. Соосты со куно кариз, нош мукетаз нуналэ соосын ӵош со Кесарияе мынӥз. Люкаськем калыклы вазиськыса, Петр шуиз: «Зэм ик табере валасько, Инмар адямиосты, вылтус шоры учкыса, улӥё-вылӥё уг кары. Котькуд калык пӧлысь, Солэсь кышканэн, шонерлыко улӥсь муртъёс Солы кельшымонэсь-ярамонэсь луо. Иисус Христос пыр тупаса улон сярысь Ӟеч Ивор тодытыса, Израиль пиослы Со веран кыл ыстӥз. Иисус Христос – ваньмызлы Кузё-Инмар... Ми ваньзэ адӟисьёс луиськомы: мар Со лэсьтӥз Иудей шаерын, Иерусалимын, кызьы Сое кирос борды кортӵогаса виизы. Куиньметӥ нуналаз Инмар Сое улӟытыса султытӥз... Со – улэпъёслэн но, кулэмъёслэн но Инмарен пуктэм Судьязы луэ, Со милемыз калыклы тодытыны, адӟеммес ивортыны косӥз. Иисус Христос сярысь вань пророкъёс иворто, Солэн нимыз пыр, котькудӥзлэн но Солы оскись муртлэн сьӧлыкъёсыз куштӥськозы».
Корнилий, солэн быдэс семьяез, эшъёсыз но Инмар Пилы Иисус Христослы оскыны кутскизы, ваньзы пылатӥськизы (чукынӥськизы).
Апостолъёслэн ужъёссы, 10-тӥ люкет
464 
