Bible Stories
Выбрать язык
Choose Old Testament Story
Choose New Testament Story
ХРИСТИАН КАЛЫКЕЗ УЛЛЯСЬ САВЛ
Иисус Христослэсь дышетскисьёссэ иудейёс туж ёртыса-ӝикатыса возьыны кутскизы. Соос пӧлысь тужгес но лекез уллясь вал Савл нимо иудей. Стефанэз изэн зӥръяса жугыкузы, со пукиз жугисьёслэсь дӥськутсэс возьмаса. Христос Инмарлы оскисьёслэн корказы пырыса, соосты со кутылӥз но думылыса пытсэт улэ вуттылӥз.
Савл фарисей вал. Иудей осконлы со тодӥсь-валась муртъёс дорын дышетскиз, соин ик со Священной Гожтэмез туж ӟеч тодӥз. Еврей калыкезлэсь осконэн герӟаськем куронъёссэ со туж тыршыса быдэсъяз, вань сямъёссэ, пуктон-косонъёссэ но сюлэмзэ поныса утиз. Зэмлыкез тодымтэеныз сэрен, Савл Христослы-Мессиялы ӧз оскы, Христослы оскисьёсты йыромем адямиос шуыса лыдъяз.
Савл Кузё-Инмарлэсь дышетскисьёссэ ялан кышкатыны, виылыны выриз. Архиерей доры мыныса, Дамаскысь синагогаосы гожтэтъёс нуыны куриз, Христослэсь дышетскисьёссэ, Солы дурбасьтӥсьёсты шедьтӥз ке, пиосмуртъёсты но, кышномуртъёсты но, думылыса Иерусалиме вайыны мед быгатоз шуыса.
Апостолъёслэн ужъёссы 7:58; 8:3; 9:1,2
456 
