Bible Stories
Выбрать язык
Choose Old Testament Story
Choose New Testament Story
ИИСУС КУЛЭМ ЛАЗАРЕЗ УЛӞЫТЭ
Иерусалимлы матысь Вифания нимо гуртын улӥзы Лазарь но солэн Марфаен Мария апай-сузэръёсыз. Соос Иисуслэн эшъёсыз вал. Галилеятӥ дышетыса ветлыкуз, Лазарьлэн апайёсыз Солы ивор лэзизы, вынзы секыт висе шуыса. Кык нунал ортчыса, Иисус Вифание мыныны потӥз. Со тодэ вал ини, Лазарь кулэмын шуыса.
Марфа Иисусэз адӟыса шуиз: «Кузё-Инмаре! Тон татын луысалыд ке, мынам выны ӧй кулысал. Но али но тодӥсько: Тон Инмарлэсь мае ке курид ке, Инмар Тыныд сётоз». Иисус солы шуиз: «Тынад выныд улӟыса султоз... Мон – улӟыса султон но улон. Мыным оскись кулӥз ке но, улоз. Котькудӥз ик улӥсь но Мыным оскись мурт ноку но уз кулы. Талы оскиськода?» Марфа шуиз: «Бен, Кузё-Инмаре! Мон оскисько, Тон Инмар Пи Христос шуыса, Кудӥз кулэ вал дуннее лыктыны».
Иудейёслэсь бӧрдэмзэс адӟыса, Иисус Ачиз но ӝоже усиз, пушкыз тырыса шуиз: «Кытчы тӥ сое понӥды?» Солы шуизы: «Кузё-Инмар! Мын но учкы». Иисус мынӥз Лазарез ватэм гурезьысь гу доры. Иисус изэз палэнтыны косӥз, нош Марфа шуиз, Лазарь, пе, ньыль нунал ини гуын кылле. Иисус солы шуиз: «Ӧй вераа Мон тыныд, оскид ке, Инмарлэсь пиштӥсь данлыксэ адӟод шуыса». Соку Иисус синъёссэ Ин пала ӝутыса шуиз: «Атае! Монэ кылэмед понна, Тыныд тау карисько. Мон тодӥсько, Тон Монэ котьку но кылод шуыса; нош тае верай татын сылӥсь калык понна, мед оскозы, Тон Монэ ыстӥд шуыса». Собере Со бадӟым куараен вазиськиз: «Лазарь! Пот отысь». Соку кулэм мурт ватон шобырен китӥз, пыдтӥз думылэм Лазарь султӥз.
Таӵе паймымон ужез адӟыса, трос иудейёс Иисуслы оскыны кутскизы, нош фарисейёс но архиерейёс, Иисусэз виыны амал утчаса, кенеш люказы.
Иоаннлэсь Ӟеч Ивор 11:1-50
376 
