Bible Stories
Выбрать язык
Choose Old Testament Story
Choose New Testament Story
ӞЕЧ ЫЖ ВОЗЬМАСЬ
Инмар Пи, Иисус Христос, музъем вылэ ыстэмын вал дунне вылысь адямиосты утён понна. Кызьы пудо возьмась ыжъёсыз сярысь сюлмаське, озьы ик дуннелэн Утисез Сое сюлмазы-лулазы пыртӥсьёс, Солэн курон-косонъёсызъя улӥсьёс пумысен сюлмаське. Тани Иисус Кузё-Инмарлэн кылъёсыз:
«Зэм ик, зэм ик тӥледлы верасько: Мон ыжъёслы ӧс. Ваньмыз, Мынэсьтым азьвыл лыктылэмъёс, лушкаськисьёс но талась-виылӥсьёс; ыжъёс соослэсь ӧз кылзӥське. Мон – ӧс: кин Мон пыр пыроз, со утиськоз; пыроз но, потоз но, ыж возьман инты но шедьтоз. Нош лушкаськись лыктэ ке, лыктэ лушканы, виыны, быдтыны. Улон вайыны, улонзы мултэсэн мед луоз шуыса, Мон со понна лыктӥ. Мон ӟеч ыж возьмась: ӟеч ыж возьмась ыжъёсыз понна аслэсьтыз улонзэ сётэ. Нош медъяськем мурт, кудӥз понна ыжъёс аслаз уг луо, со ыж возьмась ӧвӧл: адӟе лыктӥсь кионэз но ыжъёссэ кельтыса пегӟе, нош кион ыжъёсты лушкаса нуэ, пазьгиськытэ соосты. Медъяськем мурт пегӟе, малы ке шуоно, со медъяськем мурт, ыжъёс понна уг сюлмаськы. Мон – ӟеч ыж возьмась, Аслэсьтымъёссэ тодӥсько, Асламъёсыз но Монэ тодо. Кызьы Монэ Атае тодэ, озьы ик Мон Атайме тодӥсько; Аслэсьтым улонме ыжъёс понна сётӥсько. Вань на Мынам мукет ыжъёсы но, кудъёсыз та азбарысь ӧвӧл, соосты но Мыным вайыны кулэ: соос но Мынэсьтым куараме кылозы, – соку луоз одӥг уллё, одӥг Возьмась. Монэ Атае соин яратэ: Мон Аслэсьтым улонме сётӥсько, нош ик сое басьтон понна. Нокин но сое Мынэсьтым уг тала, Мон Ачим сое сётӥсько: сое сётыны эрике вань, берен басьтыны но эрике вань; та курон-косонэз Мон Аслам Атае киысь басьтӥ».
Иоаннлэсь Ӟеч Ивор 10:7-18
362 
