Bible Stories
Выбрать язык
Choose Old Testament Story
Choose New Testament Story
КЫР ДУННЕЫН ИИСУСЛЭСЬ ВИЗЬЗЭ СЫНАН
Пылатон бере, Дух Иисусэз кыр дуннее нуиз, дьявол Солэсь визьзэ мед сыналоз шуыса. Ньыльдон нунал но ньыльдон уй визям бераз, кӧтыз сюмаз. Соку Со доры визь сынась лыктыса шуиз: «Инмар Пи ке Тон, вера, та изъёс нянь мед луозы». Нош Иисус солы Священной Гожтэмысь верам кылъёсын ответ сётӥз: «Нянен гинэ уз улы адями, Инмарлэн ымысьтыз потэм котькудӥныз кылыныз улоз со».
Соку дьявол Библиысь кылъёсын ик Солэсь визьзэ сынаны кутске. Иисусэз со храмлэн липет йылаз султытыса шуэ: «Инмар Пи ке Тон, тэтчы уллань; гожтэмын ук: “Инмар Тонэ Аслаз кылчинъёсызлы утьыны косоз, Тонэ ки йылазы ӝутыса нуозы, пыдыныд из борды медад канжаськы шуыса“». Иисус солы шуэ: «Гожтэмын озьы ик: “Кузё-Инмарлэсь, Инмаредлэсь, визьзэ эн сына“».
Дьявол малпаз на эшшо огпол Иисуслэсь визьзэ сынаны. Сое со туж ӝужыт гурезь йылэ нуиз но дунне вылысь вань эксэйлыкъёсты, соослэсь данзэс возьматыса шуиз: «Пыдесъяськыса мыным йыбырттӥд ке, ваньзэ тае мон Тыныд сёто». Соку Иисус солы шуиз: «Кошкы Мон дорысь, шайтан; гожтэмын ук: “Кузё-Инмарлы, Инмаредлы, йыбыртъя, одӥг Солы гинэ ужа“». Соку возьытэ вуттэм дьявол Иисус дорысь кошкиз; кылчинъёс Со доры лыктыса, Солы ужаса-тыршыса улӥзы.
Матфейлэсь Ӟеч Ивор 4:1-11
314 
