Bible Stories
Выбрать язык
Choose Old Testament Story
Choose New Testament Story
ПРОРОКЪЁС
Ӵем дыръя Кузё-Инмар израиль калыклы быръем адямиосыз – пророкъёс пыр вазиськылӥз. Али кызьы валало, соос азьпалзэ тодытыса верасьёс гинэ ӧй вал. Уйпал но Лымшор эксэйлыкъёсысь еврейёс пӧлысь пророкъёсты бырйыса, дырын-дырын Инмар соосты Аслэсьтыз эриксэ калыклы вераны ыстылӥз. Соос сьӧлыклэсь, сульдэръёслы йыбыртъянлэсь калыкез утиськыны дышетылӥзы; Инмарлэн азьвыл но, вуоно дыръёсы но быдӟымесь ужъёсыз сярысь тодытылӥзы. Эксэйёс, священникъёс, калык йыромыса Кузё-Инмарлэн сюрес вылысьтыз кожылыку, эксэйлыклы матэ ожъёс, сютэм аръёс, шугадӟонъёс вуылыку, ӵем дыръя пророкъёс калыклы вазиськылӥзы. Кузё-Инмарлэсь азьвыл лэсьтэм ужъёссэ тодазы вайытыса, пророкъёс калыкез Инмарлы быдэсак тэрытскыса улыны ӝутылӥзы. Лыктӥсь курадӟонъёс сярысь соос азьвыл ик тодытылӥзы, кылсярысь, язычникъёслэсь Израиль вылэ урдскыны дасяськемзэс; Израильлы урод лэсьтэмзы понна, Кузё-Инмарлэсь та калыкъёслы пунэм берыктонзэ, израиль калыкез быдэс дунне вылэ пазьгонзэ но берен Кузё-Инмарлэн сӥзем музъемаз ваёнзэ. Соос азьвыл ик тодытыса веразы Мессиялэн, вӧйын зырӟыса Пуктэмлэн, лыктонэз сярысь; Израилез но быдэс дуннеез утён понна Солэн кулэмез но улӟыса султэмез сярысь, дуннеез судить карыны лыктонэз сярысь.
Куд-огез пророкъёс книгаос гожтыса кельтӥзы. Библие пыртэмын пророкъёслэн 17 книгазы. Страницаосъя лыдъяно ке, со Библилэн ог витетӥ люкетэз луэ. Соосты 16 пророкъёс гожтӥзы (Иеремия пророк кык книга гожтӥз). Тани, книга гожтӥсь пророкъёслэн нимъёссы: Исаия, Иеремия, Иезекииль, Даниил, Осия, Иоиль, Амос, Авдий, Иона, Михей, Наум, Аввакум, Софония, Аггей, Захария, Малахия.
262 
