Bible Stories
Выбрать язык
Choose Old Testament Story
Choose New Testament Story
ПСАЛТИРЬ
Псалтирь – Библиысь одӥгез тужгес ӵем лыдӟиськись книга. Отын 150 крезьгуръёсыз (псаломъёсыз), соосты крезен шудыса, кырӟаса верало вал. Та крезьгуръёсын Инмарлы оскисьёслэн вань сюлэм малпанъёссы усьтӥсько: законлы пумит улэм понна куректон, югыт пеймытэз вормоз шуыса оскон, сьӧлыкъёсыд понна ӧбкелён, Инмарлэсь утемзэ возьман но мукет.
Ӵем дыръя “Давидлэн крезьгуръёсыз“ сярысь верало. Зэм но, троссэ со кылдытӥз. Но вань пӧлаз мукет гожъясьёслэн кылдытэм, Инмарез данъясь псаломъёс но. Али тӥледыз Псалтирен тодматон понна, отысь кык крезьгуръёсты сётӥськомы.
1-тӥ псалом:
«Шудо со мурт, кудӥз сьӧлыклэсь кышкасьтэмъёслэн кенешазы уг ветлы, сьӧлыкоослэн сюрес вылазы уг сылы, сантэмасьёслэн люкаськоназы уг пукы; Кузё-Инмарлэн законэз бордын солэн вань мылкыдыз, Солэсь законзэ со уй но, нунал но дышетэ! Кошкись ву дуре мерттэм писпу кадь со, аслэсьтыз емышсэ дырыз дыръя сётэ, солэн куарез но уг шуя; котькыӵе ужын, мар гинэ со уг лэсьты, азинлыкез вань. Нош сьӧлыклэсь кышкасьтэмъёс сыӵеесь ӧвӧл: соос – тӧл пельтыса нуэм тузон кадесь. Соин ик сьӧлыклэсь кышкасьтэмъёс судын сылыны уз чидалэ, сьӧлыкоос шонер улӥсьёслэн кенешазы улыны уз быгатэ. Шонер улӥсьёслэсь сюрессэс Кузё-Инмар тодэ, нош сьӧлыклэсь кышкасьтэмъёслэн сюрессы быроз».
150-тӥ псалом:
«Ушъялэ Инмарез, святой интыын Улӥсез, ушъялэ Сое, быдӟым Инмын Пукисез. Ушъялэ Сое кужымлыкез понна, ушъялэ Сое быдӟымлыкез понна. Ушъялэ Сое узьыгумыен шудыса, ушъялэ Сое псалтирен но крезен. Ушъялэ Сое тимпанэн шудыса, кырӟаса-вераса, ушъялэ Сое сиёс вылын, пеллян гумыен шудыса. Ушъялэ Сое жингрес кимвалъёсын, ушъялэ Сое бадӟым куараё кимвалъёсын. Вань улэп макеос Кузё-Инмарез мед ушъялозы! Аллилуия».
254 
