Bible Stories
Выбрать язык
Choose Old Testament Story
Choose New Testament Story
ИОВЛЭН КУРАДӞЕМЕЗ
Уц музъемын улӥз Иов нимо Инмарлы мур оскись адями. Со сьӧлыкатэк, шонер, Инмарлэсь кышканэн улӥз, урод ужъёслэсь палэнскылӥз. Солэн сизьым пиосыз но куинь нылъёсыз, трос ваньбурез вал.
Одӥг пол Инмар доры шайтан лыктӥз но, Кузё-Инмар солэсь юаз: «Кытысь тон лыктӥд?» Шайтан шуиз: «Музъем вылтӥ ветлӥ, быдэссэ сое ортчи». Кузё-Инмар солы шуиз: «Мынэсьтым Иов ляльчиме синйылтӥда? Уго музъем вылын со кадез адями ӧвӧл: сьӧлыкасьтэм, шонер, Инмарлэсь кышканэн улӥсь, урод ужъёслэсь палэнскись». Соку шайтан Кузё-Инмарлы шуиз: «Юнме шат Иов Инмарлэсь кышка? Тон ӧвӧла солэсь юртсэ но, ваньбурзэ но утись? Солэсь ужъёссэ Тон бакель карид но, солэн пудо уллёосыз быдэс музъем вылэ вӧлмо. Кидэ ӝутыса, вань узырлыкез борды йӧтӥськы, – данъялоз наа со Тонэ?» Соку Кузё-Инмар вань дуннеысь адямиослэн тушмонзылы возьматыны малпаз: Иов Инмарлэн оскиськымон муртэз луэ, номыр шоры но учкытэк, Иов котьку но Инмарез яратоз. Соин ик Инмар шайтанлы шуиз: «Маиз солэн вань, ваньмыз тынад ки улад».
Соку шайтан Иовлы олокыӵе но кескич ужъёс лэсьтыны кутскиз: солэсь вань нылпиоссэ быдтӥз, ваньбурзэ одӥгтэм пазьгиз. Иов Инмарез ӧз куареты, со шуиз: «Кузё-Инмар сётӥз, Кузё-Инмар ик басьтӥз. Кузё-Инмарлэн нимыз дано мед луоз!» Со кышноезлы шуиз: «Инмарлэсь ӟечсэ кабыл басьтомы, нош уродзэ кулэтэм каромыа?» Кузё-Инмар азьын Иов одӥг кылыныз но ӧз сьӧлыка. Соку шайтан со вылэ туж шимес висён лэзиз – мугор вылаз, йырысеныз пыдозяз, урӟем яраос потӥзы. Туж секыт висемезлы чидатэк, Иов оскиськонзэ ыштӥз.
Секыт куректон-кайгу пӧлы сюремзэ тодыса, сое куинь эшъёсыз буйгатыны лыктӥзы. Но юрттэм интые, солэсь шекъёссэ утчаны кутскизы.
Иов, 1, 2, 4, 5 люкетъёс
250 
