Choose Language
Choose Old Testament Story
Choose New Testament Story
А̄лпыл яныг пӯп-ойкат ос кусяйит атхатсыт ос Ӣсуспорслан урыл потыртахтасыт. Тан Таве нэгсаныл осПонтий Пилат палт тотсаныл. Пилат Ӣсус китыгластэ, тувыл пӯп-ойкатн ос мир кусяйитн ла̄выс: "Тав нэматыр о̄влыӈва̄рмаль ат оньси, ам Таве тартылум". То̄нт пуссын ма̄хмытакв тур осьнэ хольт роӈхуӈкве патсыт: "Таве пе̄рна тармылпорслаӈкве э̄ри!" Пилат Ӣсус тананылн миӈкве ат таӈхыс,таимагыс тав тананыл ос китыглас. Мир иӈ та роӈхыс:"Пе̄рна йивн Таве ратуӈкве э̄ри! Пе̄рна йивн Таве ратуӈквеэ̄ри!" Тувыл Пилат Ӣсус мистэ, пе̄рна йивн ратнэ ма̄гыс.
Рим хонтхумыт пелялахтын пумныл ва̄рим лакв Тав пуӈкен пинсаныл, Тав нупылэ мовыньтасыт ос Таве ратсаныл.Саватаманыл юи-палт пе̄рнан, керсолил ратнэ ма̄гыс, Ӣсуста вантсаныл. Ӣсус пе̄рнатэ тотым Голгофа ма̄н минас. Тот Ӣсус ос кит хорахсиг пе̄рнан тагатавесыт. Пилат пе̄рна тармыл хансыс, манрыг Ӣсус пе̄рнан ратвес: " Ӣсус Назарет ӯсныл, еврей ма̄хум хо̄наныл". Ӣсус ос ла̄выс: "Асюм, ул кантлэн тан ляльтаныл, тан танки ат вагыт, маныр ва̄регыт".
Хонтхумыт Ӣсус маснутанэ танки халанылт уртуӈквепатсыт. Ляпат ёмнэ ма̄хмыт Тав нупылэ мовыньтасыт:"Наӈ То̄рум Пыгы̄г о̄лэгын-ке, пе̄рнаныл ёл-квалэн!" Хот сёснупыл минам порат ма̄ янытэ̄т турманлас. Турманы̄г онтолов сёс мус о̄лыс. Тувыл Ӣсус суйиӈ турсуйил роӈхыс: "Тормум, Тормум! Манрыг Наӈ Анум оссувласлын?" Тувыл Тавла̄выс: "Та е̄мтыс! Асюм! Ам Наӈ катагынн лылым мыг-лум!" Ты ла̄тӈанэ юи-палт Ӣсус лылытэ кон-тартыстэ.
Та торыг ялпыӈ колт *aторсай нумыл ёлытэ мус киттыгхот-то̄лматас. Ма̄ торгалтахтас, керасыт поклысыт, савыӈкант о̄лнэ курсипыт пусхатсыт ос сав сорумн патум ялпыӈма̄хмыт но̄х-ялтсыт. Хунь рим хонтхум кусяй ос тав ётэ Ӣсус ургалан хотпат ты ва̄рмаль касаласаныл, тан хот-рохтысыт ос ла̄всыт: "Тав соль То̄рум Пыгы̄г о̄лыс!"
Матфей 27:1-56; Лука 22:66-23:49; Иоанн 18:28-19:30
*a Торсай — ты русь ла̄тӈыл занавес.
86 
