Choose Language
Choose Old Testament Story
Choose New Testament Story
Хунь Пасха хо̄тал ёхтыс, Ӣсус Пётр ос Иоан Иерусалимӯсн кетсаге. Тав тэнатэн ла̄выс: "Минэн ос ма̄н ма̄гсылув пасха э̄типала тэпъялап сёпитэн". "Хумус таӈхе̄гын, хотпасан ва̄руӈкве?" — ханисьтахтын хуманэ китыглахтасыг. Ӣсус ювле-ла̄выс: "Хунь ӯсн сялтэгы̄н, вит аны тотнэ хумхонтэгын. Хоталь тав мины, тав ётэ минэн. Ты колт олнэхум нэнан яныг нуми колнак хулты, тот матыр эри, сёпитэн". Тэн минасыг, пуссын хонтсыг, хумус тэнатэн Ӣсус ла̄выс, ос пасха э̄типала тэпъялап сёпитасыг.
Хунь пора ёхтыс, Ӣсус ханисьтахтын хуманэ ёт э̄типалагтэпъялуӈкве атхатсыт. Ӣсус тананылн ла̄выс: "Ам ты пасхаэ̄типала тэп нан ётын тэӈкве сака тахсум. Ам савалым порам э̄лы-палт". Ӣсус аны вис, поиксим ос То̄румн пумасипала̄вим тананылн ла̄выс: "Вуелы̄н ос нанки халынт уртэлы̄н".
Тувыл Ӣсус нянь вис, поиксим То̄румн пумасипа ла̄выс остананылн ла̄выс: "Ты Ам Алпим, нанан мыглум, тах таветаен. Ты нянь анум номылматнэ ма̄гыс нан магсылын паты". Тэпъялан юи-палт Тав аны вис ос ла̄выс: "Ты аны — Амкелпумыл сартым йильпи завет, келпум нан магсылын сос-хаты".
Тэпъяланыл сыс Ӣсус ханисьтахтын хуманэн ла̄выс, мосертын пуваве ос пе̄рна йивн ратым тагатаве, ос тан халанылт акв хумн Тав пӯп-ойкатн тыналаве. Ос ханисьтахтынхумыт Таве ат торгамтасаныл.
Лука 22:7-38; Иоанн 13:4-35
82 
