Choose Language
Choose Old Testament Story
Choose New Testament Story
Налиман (40) тал израиль ма̄хум сеиӈ ма̄т яласасыт.Моисей ос А̄рон ты мус атимы̄г емтсыг. Ань Ӣсус Навин ампа хум ма̄хманэ тотыс, То̄рум таве̄н нётыс.То̄рум тананылн ёмас Ханаан ма̄ миӈкве ла̄выс. Хунь танХанаан ма̄н ёхтысыт, касаласаныл: тот сав савсыр ма̄хумо̄лы. Тот сав ус о̄лы. Ханаан ма̄т олнэ ма̄хмыт сав карек осьсыт, таимагыс То̄рум ты ма̄ израиль ма̄хмын миӈкве номылматас.
Тананылн о̄влэт Иордан я̄ ултта унсуӈкве эрыс. Тан Иордан я̄ ватан ёхтысыт. Хумус я̄ ултта унсуӈкве? Хурум хо̄таля̄ ватат люльсыт. Хурмит хо̄тал палыт тан поиксясыт оспоститахтасыт, нилыт хо̄талт Ӣсус Навин тананылн э̄лальминуӈкве ла̄выс. О̄влэт пӯп-ойкат минасыт, туп тан ла̄гланыл витн сялтсыт, вит овуӈкве та пойтыс. Акв палэ витыӈколпох хурип, мо̄т па̄лныл, вит я̄ хосыт овтыс. Пӯп-ойкат я̄патта хосыт минасыт, я̄ котильн ёхтысыт, ёл-люльсыт ос урхатсыт хунь пуссын унсэгыт. Хунь пӯп-ойкат пагле ква̄лсыт,я̄ ос та овумтас.
То̄рум тананылн ты юи-палт такысь люльнэ Иерихон усхонтлым хот-виӈкве нётыс. Тысир тан пуссын Ханаан ма̄ висаныл. То̄нт Ӣсус Навин ты ма̄ китхуйплов (12) израиль рӯтхалныл уртыстэ. Та пораныл тан ёмас ма̄т, То̄рмылн ла̄вимма̄т, о̄луӈкве патсыт.
Ӣсус Навин 3:1-4:24
46 
