Choose Language
Choose Old Testament Story
Choose New Testament Story
Исаак ос Ревекка ня̄врамаген яныгмасыг. Аквматнакттох е̄мтыс, Исав апситэ нупыл сака кантмаявес оса̄луӈкве номылматастэ. Ревекка ты урыл хулыстэ ос маньпыге тав сосса ма̄н, Месопотамия ма̄н, оюӈкве ла̄выстэ.
Яков сав хо̄тал сыс йис. Аквсёс тав хара ма̄т хулыс. То̄нтсака ёмас улм улмаяс. Яков то̄рум мус хаӈхылтап касалас,То̄рум ангеланэ ха̄ӈхылтап хосыт но̄х-хахсыт ос ёл-ваглысыт. То̄рум тавен ла̄выс: "Ам Авраам То̄рмыг о̄лэгум осИсаак, наӈ асин, То̄рмыг о̄лэгум. Ам ты ма̄ наӈын ос наӈня̄враман мыглум. Ам наӈ ётын акваг минэгум, хоталь наӈминэгын, наӈын ургалылум!" Яков Лаван сасге палт та ёхтыс. Тав палтэ хус (20) тал сыс о̄лыс. Тот нэ̄ тотыс, ня̄врамыӈы̄г е̄мтыс.
Тувыл То̄рум Яковын ювле, сосса ма̄н минуӈкве ла̄выс.Яков семьятэ ёт, олтуланэ вис ос юв минмыгтас. Яков каӈкеныл иӈ та пилыс, тав ат вас, Исав каӈке тав нуплэ иӈ кантлы ман ати. Сосса ма̄н ёмнэныл сыс тан я̄ ватан ёхтысыт.Яков ма̄хманэ алмпалн унсуптасанэ, такви ты ватат хультыс. Тыт тав хо̄тал нэглын мус поиксяс, тувыл То̄румн ла̄выс: "Та мус, хунь Наӈ анумн ёмас э̄лаль олнэ ла̄тыӈ ат мыгын, Наӈын ат тартылум". То̄рум таве̄н ёмас э̄лаль олнэ ла̄тыӈ мис ос ла̄выс: "Ты хо̄талныл наӈ намын ати Яков, наӈнамын тах Израиль, То̄рум ёт персюмын ма̄гыс, э̄лмхо̄ластармыл ёр оньсюӈкве патэгын".
Мосертын, ты нак юи-палт, Яков каӈке ёт хонтхатас. Ягпыгы̄г люньсялтахтасыг, акван-синумтахтасыг ос ёмасмахтасыг. Яков каӈкен сав муйлупса мис. Тувыл Яков Ханаан ма̄т, Сихем ӯс ляпат о̄лмыгтас. Тот тав ма̄ ломт ёвтысос то̄рыл ва̄рим кол унттыс. Тот поиксян ос То̄рмын пумасипа ла̄внэ ла̄тыӈ ма̄ ва̄рыс.
Бытие 27:1-33:20
20 
